Ministri i Jashtëm i Kosovës, Enver Hoxhaj, gjatë pjesëmarrjes në konferencën për Siguri në Munih, ndër temat kryesore të së cilës ka është gjendja e tensionuar në Ukrainë, është pyetur nga gazetarët lidhur me qëndrimin e Kosovës lidhur me këtë çështje.

Ministri Hoxhaj, njëjtë si homologët e tij nga Bashkimi Europian dhe SHBA’të, ka kërkuar që të bëhet më shumë për të siguruar stabilitet afatgjatë në Ukrainë.

Në deklaratën e botuar në gazetën gjermane “Frankfuter Allgemeine Zeitung – FAZ”, Hoxhaj ka thënë se Ukraina është shndërruar në sprovë për BE’në.

“Sjellja e BE’së do të tregojë sesa janë në gjendje të zgjidhin konflikte rreth kufirit europian”, ka thënë Hoxhaj.

Ai po ashtu ka thënë se Qeveria e presidentit Ukrainas, Viktor Janukowitsch po e humb legjitimitetin.

“E vetmja zgjidhje e konfliktit me opozitën është të organizohen zgjedhje të lira dhe demokratike. Nuk shoh zgjidhje tjetër”, ka thënë Hoxhaj.