Sot u bë e ditur se skuadra e Arsenalit ka bërë një ofertë prej 68 milionë eurosh për mesfushorin e Brightonit, Moises Caicedo.

Por, siç u konfirmua nga Chris Wheatley, gazetar i njohur që mbulon lajmet për Arsenalin, por klubi e ka refuzuar menjëherë këtë ofertë, pasi që dëshiron që ta mbajë mesfushorin në skuadër, përcjell lajmi.net.

Tani, rreth kësaj situate ka folur trajneri i Brightonit, Roberto De Zerbi, i cili shpreson që Caicedo të qëndrojë në skuadrën e tij.

“Ai është i fokusuar vetëm te Brightoni. E kuptoj se e ka mundësinë që të kalojë te një skuadër tejet e madhe, por unë shpresoj që ai do të qëndrojë me ne deri në fund të këtij sezoni. Mendimi im është që kjo është zgjidhja më e mirë për të dhe për ne”, tha De Zerbi.

Mbetet të shihet nëse do ndodh ndonjë lëvizje e lojtarit drejt ‘Emirates’./Lajmi.net/