Ai ka bërë me dije se qendrat e Lëvizjes Vetëvendosje, i janë nënshtruar ristrukturimit dhe mobilizimit të përgjithshëm, i cili ka sjellë bashkimin e shumë njerëzve që e kanë forcuar organizimin e tyre, shkruan Epoka e Re.

Konjufca ka thënë se Lëvizja Vetëvendosje, është i vetmi subjekt politik që ka vizion, koncept dhe alternativa qeverisëse për Kosovën.

Derisa partitë e tjera politike, sipas tij, deri më tani kanë qeverisur me vendin pa kompetenca, pa program të qartë dhe me korrupsion marramendës.

Në një intervistë për “Epokën e re” ai ka deklaruar se kohët e fundit kanë mbajtur takime të shumta nëpër të gjitha komunat, duke prezantuar alternativën e tyre qeverisëse.

“Në muajt e fundit kemi mbajtur takime gjithandej, ku kemi shpalosur alternativën tonë qeverisëse, të cilën e kemi publikuar për herë të parë në gusht të vitit 2013”.

Ai ka deklaruar se besimin në fitore e mbështet në ofertën e kësaj lëvizje, e cila, sipas tij, do ta bëjë shtetin dhe ta sigurojë mirëqenien ekonomike.

“Jemi alternativë për Kosovën. Partitë përgjithësisht i kemi parë në qeverisje herë veç e veç herë dy nga dy. Ato kanë qeverisur në mungesë kompetence, pa program të qartë, me korrupsion marramendës, me familjarizim. Mund ta shihni se si e kanë katandisur Kosovën, qoftë në nivel kolak qoftë në atë qendror”, është shprehur ai.