Lëvizja Vetëvendosje është një ndër partitë që shpesh herë ka nxitur reagime për shkak se është akuzuar për rritjen e saj duke ‘sharë’ të gjitha qeveritë e kaluara.

Kanë qenë zyrtarët e VV-së që gjithmonë kanë vendosur në ‘shënjestër’ qeveritarët për jetën e tyre “luksoze”, shkruan lajmi.net.

Por, tash që po bëjnë dy vite në pushtet, duket se edhe zyrtarët e Vetëvendosjes kanë nisur të ndryshojnë jetesën e tyre.

Së fundmi, një sallon i bukurisë ka postuar një fotografi të ministres së Drejtësisë, Albulena Haxhiu, e cila duket se ka lyer e rregulluar flokët në këtë sallon, që në pamje të parë duket mjaft “luksoz”.

Në këtë sallon duket se rregullohen shumica e zyrtarëve të VV-së, përfshirë këtu edhe kryeministrin Albin Kurti.

Fotoja e Kurtit duke u rregulluar në këtë sallon kishte qarkulluar edhe më parë nëpër rrjete sociale duke nxitur mjaft shumë reagime në opinionin publik. /Lajmi.net/