Liverpooli fiton sezonin tjetër

Brendan Rodger beson se Liverpooli mund ta fitojë titullin e kampionit në Angli sezonin tjetër, pasi dështoi ta bënte një gjë të tillë këtë edicion. Sipas tij, ekipi do të përmirësohet dhe do t’ua realizojë ëndrrën tifozëve.

Sport

12/05/2014 00:32

Brendan Rodgers insiston se Liverpool duhet të besojë ta fitojë Premierligën sezonin tjetër. Reds e kishin titullin në duar, por e lëshuan duke dështuar në xhirot e fundit.

Me këtë rast, Manchester City e shfrytëzoi për mrekulli gabimin e Liverpoolit, duke e siguruar titullin e dytë në tri sezonet e fundit, pas fitores 2:0 ndaj West Ham Unitedit të dielën.

Djelmoshat e Rodgers fituan 2:1 ndaj Newcastles në shtëpi, por kjo nuk u mjaftoi. Për këtë, 41 vjeçari ndien se ekipi i tij do ta ndjek titullin sezonin tjetër.

“Bota sot është besim. Besim që ne mund të jemi atje duke e kërkuar titullin. Ne nuk do të mendojmë vetëm për t’u futur në Top 4, por për të fituar”, deklaroi trajneri britanik.

“Ishte një kampanjë e mrekullueshme. Ishte e jashtëzakonshme t’i shihje tifozët, ne i bëmë atë të ëndërronin dhe ne duhet ta bëjmë këtë. Por, duhet të përmirësohemi dhe të fitojmë trofe”, përfundoi Rodgers.