NATO, Rusia rrit shpenzimet për ushtri, Evropa t’i përgjigjet

Sekretari i Përgjithshëm i NATO-s, Anders Fogh Rasmussen ka thënë se shkurtimet e shpenzimeve të mbrojtjes nga anëtarë e Aleancës, veçanërisht në Evropën Lindore dhe Qendrore, janë të paqëndrueshme përballë shpenzimeve në rritje të Rusisë në sektorin ushtarak.

Bota

15/05/2014 18:08

Duke folur në një konferencë për siguri në Bratisllavë të Sllovakisë, Rasmussen tha se shpenzimet e mbrojtjes ruse \”janë  rritur për 10 për qind, çdo vit në pesë vjetët e fundit\”, raporton REL.

Në këtë rrafsh, tha ai, disa vende evropiane të NATO-s kanë shkurtuar shpenzimet e tyre të mbrojtjes nga më shumë se 20 për qind. \”Tash është koha\”, tha ai, \”për të ndaluar shkurtimet dhe për të ndalur këtë trend”. 

Konferenca treditëshe, e cila ka bërë bashkë kryeministrat e Polonisë, Hungarisë, Sllovakisë dhe Republikës Çeke, është e përqendruar në kërcënimet e sigurisë që mund të vijnë nga kriza në Ukrainë.

Rasmussen ka kritikuar Rusinë për mos ndërmarrjen e hapave për shtendosjen e krizës.