Skandali rreth akuzave për manipulim me shifra për transferimin e sulmuesit Neymar nga Santos tek Barcelona nuk i kushtoi shtrenjtë vetëm Sandro Rosellit i cili dha dorëheqje nga posti i presidentit të gjigantit katalan, por edhe vetë futbollistit.

Sipas të përditshmes sportive spanjolle Marca, disa sponsorë kanë vendosur të braktisin yllin brazilian nga përfundimi i këtij sezoni, edhe pse ai nuk është fajtor i drejtpërdrejtë në atë që ndodhi mes klubeve.

Mirëpo, imazhi i tij thuhet se është zbehur pas shpërthimit të skandalit.

Në anën tjetër, Neymar, i cili sot mbushi 22 vjet, numëron 11 sponsorë në mesin e të cilëve Nike, Panasonic e Volkswagen, që do t’i garantojnë bashkërisht rreth 35 milionë euro në vit.

Nuk janë pak apo jo?