Serbia mirënjohëse ndaj Hungarisë për qëndrimet e tyre kundër Kosovës – Lajmi.net
Serbia mirënjohëse ndaj Hungarisë për qëndrimet e tyre kundër Kosovës
Autori: Lajmi.net LajmeRajoni 23:37, 15 April 2019
Kryeministrja serbe, Ana Bërnabiq ka falënderuar qeverinë hungareze për një qasje të balancuar ndaj Kosovës.

Bërnabiq ka theksuar qeveria serbe ka një bashkëpunim të mirë me atë hungareze.

“Hungaria e ka njohur pavarësinë e Kosovës por tani kemi mirëkuptim në mes dy vendeve për faktin se qëndrimi i Hungarisë është balancuar”, ka thënë Bërnabiq, përcjell lajmi.net.

Në emër të qytetarëve të Serbisë, ajo ka falënderuar Hungarinë që ka abstenuar gjatë votimit për anëtarësimin e Kosovës në INTERPOL.

Shembull tjetër të mbështetjes hungareze, Bërnabiq e mori qëndrimin e tyre karshi krijimit të Ushtrisë së Kosovës.

“Kjo tregon se viti 2019 është i rëndësishëm për partneritetin tonë dhe tani kemi bashkëpunim më të mirë sesa kemi pasur në të kaluarën”, ka përfunduar kryeministrja e Serbisë. /Lajmi.net/

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO