Turqi: 274 minatorë të vdekur, hapen varre masive

Zemërim dhe pikëllim të madh ka ngjallur vdekja e 274 minatorëve në Turqi, të cilët vdiqën gjatë një shpërthimi në një minierë në qytetin Soma. 

Bota

15/05/2014 00:03

Rreth 450 të tjerë kanë arritur të shpëtohen, por mbetet ende i paqartë numri i saktë i atyre që mund të jenë ende në minierë.

Varre masive janë hapur në të gjithë qytetin për të varrosur ata që u nxorën në sipërfaqe deri në mbrëmje.

Në qendër të qytetit Soma protestuesit dhe kryesisht adoleshentë janë përballur me forcat speciale të policisë, duke thyer dyer e dritare të zyrës qendrore të partisë në pushtet dhe duke bërtitur për dorëheqjen e kryeministrit Erdogan.

Si transmeton BW, edhe në Stamboll qindra protestues u mblodhën në protestë.