Dy persona janë shoqëruar në stacion policor nën dyshimin për veprën “Shmangie nga tatimi”.

Sipas njoftimit të Policisë së Kosovës, mbrëmë rreth orës 21:00, zyrtarët policor të stacionit të Fushë Kosovës kanë shoqëruar në stacion dy persona të cilëve u janë gjetur dhe sekuestruar mijëra euro, shkruan lajmi.net.

“Sekuestrimi i parave (rreth 33.000 euro) është bërë në rrugën e Pejës, në Bresje, kur personat / automjeti me të cilin po lëviznin, është ndaluar nga policia për një kontroll rutinë. Peronat e dyshuar nuk kanë arritë të dëshmojnë prejardhjen e parave të sekuestruara, andaj është iniciuar rast për shmangie nga tatimi”, thuhet në njoftimin e policisë.

Pas intervistimit dhe përfundimit të procedurave të nevojshme policore, në konsultim me prokurorin e shtetit, dy të dyshuarit janë liruar në procedurë të rregullt. /Lajmi.net/