Belgjika u eliminua nga Kampionati botëror pas humbjes 1:0 nga Argjentina të shtunën.

Kurse, edhe këtë duel si tre të tjerë të skuadrës, Adnan Januzaj e përcolli nga bankina pa u inkuadruar fare në lojë. AI luajti vetëm një orë kundër Koresë së Jugut dhe kjo ishte e tëra.

Mirëpo, mos inkuadrimi në lojë i Januzajt në ballafaqimin kundër Argjentinës ka bërë që selektori Marc Wilmots të ballafaqohet me shumë kritika nga ana e tifozëve, në rrjete sociale.

Në minutën e 75-të, Wilmots bëri ndryshimin e fundit duke nxjerr në loja Eden Hazardin dhe në vend të tij e inkuadroi Naser Chadlin që nënkuptoi se Januzaj nuk do ta shijojë asnjë minutë lojë as kundër Argjentinës. Kjo ka hidhëruar tifozët.

“Çka është duke bërë Wilmots? Chadli në lojë e Januzaj në bankinë kur ekipit i nevojitet goli”, shkroi një tifoz në Twitter. Kurse, një tjetër ishte edhe më i ashpër.

“Wilmots duket se dëshiron të humb qëllimisht, inkuadrimi i Chadli para Januzajt e dëshmon këtë”.  

Vendimi i selektorit të Belgjikës, Marc Wilmots për inkuadrimin e mesfushorit Adnan Januzaj në ekip për Kampionatin botëror në Brazil, i ka sjell atij kritika.

Ndonëse ylli i ri i Manchester Unitedit ka shkëlqyer në stinorin e tij të parë me ekipin senior të gjigantit anglez, dhe ftesa e tij mund të konsiderohet si plotësisht e merituar, fakti se Januzaj u ftua menjëherë pasi vendosi të përfaqësojë Belgjikën, ka sjell dyshime.

“Ftesa e Januzajt është dëshmi se atij i ishte premtuar një vend në ekip në mënyrë që të zgjedh të luajë për Belgjikën”, ishte komenti i një tifozi të Belgjikës, në rrjetin social Twitter.

Kurse, pati edhe të atillë që ishin edhe më të ashpër.

“Ai i lejoi Januzajt që t’i vendos ultimatum: ‘Ose më fto në ekip për Botëror, ose do të luajë për ndonjë Kombëtare tjetër’. Turp për Wilmotsin”.

Si do qoftë, Januzaj do të udhëtojë në Brazil me synim të prezantojë sa më mirë veten, në debutimin e tij në nivelin ndërkombëtar.